Read Time : < 1 मिनेट
२०७९ फाल्गुण २३ मंगलबार १९:२८:००
बाँकेको कोहलपुरमा नहरमा डुबेर आज दुई बालकको मृत्यु भएको छ।
मृत्यु हुनेमा कोहलपुर नगरपालिका–१२ चप्परगौडीका १५ वर्षीय मनसुन बराल र नौ वर्षीय अनिल भट्टराई रहेको इलाका प्रहरी कार्यालय, कोहलपुरका प्रहरी नायब उपरीक्षक सुन्दर तिवारीले जानकारी दिए।
बराल स्थानीय दीपज्योति बोर्डिङ स्कुल तथा भट्टराई ज्ञानज्योति स्कुलमा अध्ययनरत थिए।
सिमरी नदीको बन्दा नहरमा नुहाउन गएका पाँचमध्ये दुईजना डुबेको सूचना मृतकका आफन्तले प्रहरीलाई दिएका थिए। घटनाको थप अनुसन्धान भइरहेको प्रहरीले जनाएको छ।
