- वि.सं २o८१ बैशाख ३१ सोमबार
नेसनल लाइफ इन्स्योरेन्स कम्पनी लिमिटेडले आफ्ना सबै शाखामार्फत फोनपे नेटवर्कमा आबद्ध वित्तीय संस्था वा इसेवाबाट डाइनामिक क्युआर स्क्यान गरी आफ्नो बिमा शुल्क बुझाउन सकिने व्यवस्था गरेको छ। आफ्ना ग्राहकवर्गलाई उच्चतम प्रविधिमा आधारित सर्वसुलभ सेवा प्रदान गर्ने उद्देश्यले यो सेवा सुरु गरेको कम्पनीले जनाएको छ।
कम्पनीको प्रमुख कार्यकारी अधिकृत सुरेशप्रसाद खत्री र इसेवाका प्रमुख कार्यकारी अधिकृत जगदीश खड्काको उपस्थितिमा नेशनल लाइफ इन्स्योरेन्स कम्पनीको लाजिम्पाटस्थित केन्द्रीय कार्यालयमा एक समारोहबीच सो सेवाको औपचारिक सुरुवात गरिएको हो। यस प्रकारको उच्चतम प्रविधिमा आधारित सेवाबाट कम्पनीका ग्राहकवर्गले नगदरहित भुक्तानी गरी लाभ उठाउन सक्ने कम्पनीको आपेक्षा छ।
