कांग्रेस सांसद चन्द्र भण्डारीको निवास बुद्धनगर काठमाडौंमा सिलिन्डरबाट ग्यास चुहिएर आगलागी  भएको छ । आगलागीमा परेर सांसद भण्डारी र उनकी अामा गम्भीर घाइते भएका छन् । चिकित्सकका अनुसार भण्डारीको शरीरमा करिब २५ प्रतिशत र उनकी ८६ वर्षीया माताको ७० प्रतिशत शरीरको भागमा असर गरेको छ ।

सांसद भण्डारी र उनकी आमाको कीर्तिपुरस्थित बर्न अस्पतालमा उपचार भइरहेको कांग्रेस महामन्त्री विश्वप्रकाश शर्माले जनाएका छन्  । गएराति ग्यास सिलिन्डर विस्फाेट भएको हो ।

महामन्त्री विश्वप्रकाश शर्माले भने, ‘कीर्तिपुरस्थित बर्न अस्पतालमा पुगेर हामीले राति नै स्वास्थ्य अवस्थाबारे जानकारी लियौँ ।  डा. चन्द्र भण्डारीको शरीरको करिब २५ प्रतिशत र उहाँकी माताको ७० प्रतिशत शरीरको भागमा असर गरेको छ । अहिले आमाछोराको आइसियूमा राखेर उपचार भइरहेको छ ।’

(*सिलिन्डरबाट ग्यास चुहिएर आगलागी भएकाे हुनुपर्नेमा अन्यथा भएकाले क्षमायाचनासहित सच्याइएकाे छ ।सं.)