बैंकिङ कसुरका फरार अभियुक्त कारागार चलान

बैंकिङ कसुर मुद्दाका एक फरार अभियुक्तलाई प्रहरीले विराटनगरबाट पक्राउ गरेर कारागार पठाएको छ । प्रदेश  १ प्रहरी कार्यालय विराटनगरको अप्रेसन  टोलीले उच्च अदालत पाटनबाट ४५ लाख जरिवाना र ६ दिन कैद सजाय तोकिएका विराटनगर महानगरपालिका– ५ का ३५ वर्षीय मो. ज्याउर रहमानलाई पक्राउ गरेर सजाय भुक्तानका लागि कारागार पठाएको हो ।

२४ मंसिर ०७८ मा उच्च अदालत पाटनले बैंकिङ कसुरमा ६ दिन कैद र ४५ लाख रुपैयाँ जरिवाना सजाय सुनाएको थियो । फरार रहेका रहमान गाउँघरमा लुकिछिपी बस्दै आएका थिए । पक्राउ परेका रहमानलाई  प्रहरीले  मोरङ जिल्ला अदालतको जिम्मा लगाएको र  अदालतले कैद भुक्तानका लागि मोरङ कारागार पठाएको  प्रदेश १ प्रहरी कार्यालयले जनाएको छ ।