पर्यटन विकास तथा सञ्चार केन्द्र नेपालद्धारा सञ्चालित सामुदायिक रेडियो, रेडियो लाङटाङको अध्यक्षमा सोहम सुवेदी चयन भएका छन् । संस्थाको आठौँ साधारणसभा तथा तेस्रो अधिवेशनले सुवेदीलाई अध्यक्षमा चयन गरेको हो ।
अधिवेशनले सुवेदीसहित सात सदस्यीय कार्यसमिति चयन गरेको छ । जसको उपाध्यक्षमा गिता घिमिरे, सचिवमा गिता न्यौपाने, कोषाध्यक्षमा दुर्गानाथ न्यौपाने (बलराम) छन् । यस्तै सदस्यहरुमा शिवराम भण्डारी, केशव मिश्र र सर्मिला न्यौपाने घिमिरे चयन भएका छन् ।
संस्थाको ८ औं वार्षिक साधारण सभा तथा तेस्रो अधिवेशनको अवसरमा स्वर्गीय रामकृृष्ण आचार्य स्मृति पत्रकारिता पुरस्कार–२०७९ बाट रसुवाका जेष्ठ पत्रकार ज्ञानेन्द्र नाथ न्यौपानेलाई पुरस्कृत गरिएको छ । जसको राशी ११,१११ छ ।