गायिका सिम्पल खरेलको स्वरमा सजिएको नयाँ म्युजिक भिडियो ‘जहाँ तिमी अनि म’ सार्वजनिक भएको छ ।
प्रेमिल शैलीको गीतमा शब्द विष्णुबाबु देवकोटाको रहेको छ भने संगीत लोकप्रिय संगीतकार टीका दाहालले दिएका छन् । गीतलाई राहुल प्रधानले संगीत संयोजन गरेका हुन् ।
भिडियोमा स्वयं गायिका खरेल फिचर्ड छिन् । हरि हुमागाईंको छायांकन र सम्पादन रहेको गीत गायिका खरेलको निर्देशनमा तयार पारिएको हो । खरेलकै आधिकारिक च्यानल ‘सिम्पल खरेल’मार्फत भिडियो सार्वजनिक भएको हो ।