- वि.सं २o८१ बैशाख ३१ सोमबार
दोलखाको प्रदेश सभा निर्वाचन क्षेत्र नम्बर २ मा एमालेका भरत केसी विजयी भएका छन् । भीमेश्वरनगरका पूर्वनगरप्रमुख केसीले कांग्रेसका बर्मा लामालाई पराजित गर्दै प्रदेश सभा सदस्यमा निर्वाचित भएका हुन् ।
केसीले १९ हजार चार सय १४ मत पाएका छन् भने उनका प्रतिद्वन्द्वी कांग्रेसका बर्मा लामाले १७ हजार पाँच सय ९५ मत पाएका छन् । केसीले एक हजार आठ सय १९ को मतान्तरले जित हात पारेका हुन् ।
