- वि.सं २o८१ जेठ १ मंगलबार
सुनसरीको प्रतिनिधिसभा निर्वाचन क्षेत्र नम्बर ४ मा एमाले र कांग्रेस उम्मेदवारबीच रोचक भिडन्त जारी छ । पछिल्लो मतपरिणामअनुसार एमालेका उम्मेदवार जगदीशप्रसाद कुसियत अहिले कांग्रेसका उम्मेदवार एवं सञ्चारमन्त्री ज्ञानेन्द्रबहादुर कार्कीभन्दा ३१ मतले पछि छन् ।
कांग्रेस उम्मेदवार कार्कीले ३० हजार एक सय ७० मत प्राप्त गरेका छन् भने एमाले उम्मेदवार कुसियतले ३० हजार एक सय ३९ मत प्राप्त गरेका छन् । यस क्षेत्रमा दुई उम्मेदवारबीच कडा प्रतिस्पर्धा जारी छ ।
यसैगरी, राष्ट्रिय प्रजातन्त्र पार्टीका उम्मेदवार विद्यानन्द यादवले तीन हजार एक सय ९६ मत प्राप्त गरेका छन् भने राष्ट्रिय स्वतन्त्र पार्टीका उम्मेदवार जीवनकुमार श्रेष्ठले तीन हजार एक सय ५२ मत प्राप्त गरेका छन् ।
