- वि.सं २o८१ जेठ १ मंगलबार
दैलेख २ (क) मा नेपाली काँग्रेसका घनश्याम भण्डारी विजयी भएका छन् । उनले नेकपा एमालेका तिलक रिजाललाई पराजित गरेका हुन् । विजयी भएका भण्डारीले १० हजार ८ सय मत प्राप्त गरेका छन् भने उनका निकटतम प्रतिद्धन्द्धी एमालेका रिजालले ९ हजार ४ सय ९५ मत प्राप्त गरेका छन् ।
भण्डारीले रिजाललाई १ हजार ३ सय ५ मतान्तरले जितेका हुन् । यसअघि ०७४ को निर्वाचनमा एमालेले यो क्षेत्रमा विजयप्राप्त गरेको थियो । विजयी भण्डारीले दैलेखको दुल्लु नगरपालिका प्रमुखका रुपमा ५ बर्ष काम गरेर संसदीय यात्रा शुरु गरेका हुन् ।
पत्रकारिता क्षेत्रबाट राजनीतिमा होमिएका भण्डारी २०६४ मा पत्रकार महासंघ जिल्ला शाखा सचिव भएर काम गरिसकेका छन् । उनी काँग्रेस क्षेत्र नं. २ को क्षेत्रिय सभापति हुँदै राजनीति यात्रामा निस्केका थिए ।
