- वि.सं २o८१ जेठ १ मंगलबार
सेनेगलका मुख्य स्ट्राइकर साडियो मानेले कतार विश्वकप फुटबल प्रतियोगितामा पहिलो खेल गुमाउने भएका छन् । खुट्टामा चोट बोकेका माने उपचाररत छन् । विश्वकपको दोस्रो खेलमा मात्र माने उपलब्ध हुने जनाएको छ । गत साता सेनेगलले चोटग्रस्त खेलाडी मानेलाई समेट्दै विश्वकप टोली घोषणा गरेको छ ।
गत साता बुन्डेस लिगाअन्तर्गतको खेलमा बायर्न म्युनिखबाट प्रतिस्पर्धा गर्दा मानेले चोट बोकेका थिए । सेनेगलका प्रशिक्षक अलिओ सिसेले आफ्ना मुख्य खेलाडीविना विश्वकप खेल्न नसकिने जनाएका छन् ।
‘मानेको शल्यक्रिया गर्नुनपर्ने भएको छ, हामी उनीविना विश्वकप खेल्न सक्दैनौँ,’ सिसेले भने, ‘सम्भवतः दोस्रो खेलमा उनी मैदानमा देखिनेछन् ।’
