- वि.सं Invalid date format
काठमाडौं क्षेत्र नम्बर ५ मा गत स्थानीय तहको निर्वाचनमा माओवादी केन्द्रबाट टोखा नगरपालिकाको मेयरका उम्मेदवार रहेका राकेश श्रेष्ठ एमाले प्रवेश गरेका छन्।
माओवादी केन्द्र काठमाडौं जिल्ला कमिटी सदस्यसमेत रहेका श्रेष्ठको नेतृत्वमा एमाले प्रवेश गर्ने २८ जनालाई वरिष्ठ उपाध्यक्ष ईश्वर पोखरेलले स्वागत गरे। पोखरेल काठमाडौं ५ मा एमालेबाट प्रतिनिधिसभाका उम्मेदवार हुन्।
श्रेष्ठले कांग्रेस र माओवादीबीचको गठबन्धन गलत भएकाले आफूले विद्रोह गरेको बताए। गत स्थानीय तहको निर्वाचनमा टोखा नगरपालिकाको मेयरमा श्रेष्ठले तेस्रो मत प्राप्त गरेका थिए। माओवादीबाट एमाले प्रवेश गर्नेमा नगर सचिव सुरेन्द्र श्रेष्ठलगायत पनि रहेका छन्।
