- वि.सं २o७८ माघ २८ शुक्रबार
हुम्लाको खार्पुनाथ गाउँपालिका वडा नम्बर ४ को लेखगाउँनजिक रहेको मेलरुख भन्ने ठाउँमा सकेट बम भेटिएपछि नेपाली सेनाको बम डिस्पोजल टोलीले डिस्पोज गरेको छ । शुक्रबार दिउँसो १२ बजे खार्पुनाथ गाउँपालिका वडा नं ४ लेखगाउँका स्थानीय सिद्धान्त जेठराले बाटोमा हिँड्ने क्रममा उक्त बम फेला पारेका थिए ।
जेठाराले सो बम भेटाएलगत्तै प्रहरी चौकी याङ्चुलाई खबर गरेका थिए । लगत्तै प्रहरी सहायक निरीक्षक जगदीश भण्डारीको नेतृत्वमा उक्त टोली बम भेटिएको स्थानमा पुगेको थियो । उक्त टोलीले सकेट बम रहेको र बम पुरानो खिया लागेको प्रमाणित गरेको थियो ।
