- वि.सं २o८३ श्रावण २५ सोमबार
महालक्ष्मी विकास बैंकले शिशु स्याहार कक्ष तथा डे केयर सञ्चालनमा ल्याएको छ । बैंकले आफ्ना महिला कर्मचारीको शिशु मातृत्वलाई प्राथमिकतामा राख्दै केन्द्रीय कार्यालय, दरबारमार्गमा सो सेवा सञ्चालनमा ल्याएको हो ।
स्तनपान गराइरहेका महिला कर्मचारीलाई सुरक्षित, सहज, स्वच्छ तथा गोपनीय वातावरण उपलब्ध गराउने उद्देश्यले शिशु स्याहार कक्ष तथा डे केयरको स्थापना गरिएको बैंकले जनाएको छ ।
बिहीबार आयोजित एक कार्यक्रमबिच महालक्ष्मी महिला नेतृत्व तथा विकास फोरमकी अध्यक्षले उक्त स्याहार कक्षको उद्घाटन गरेकी हुन् । महालक्ष्मी विकास बैंकले समावेशिता र लैंगिक समानतालाई प्राथमिकतामा राख्दै आएको छ ।
‘सबल बैंक, सफल सहकार्य’को नारालाई आत्मसात् गर्दै गुणस्तरीय वित्तीय सेवा प्रदान गर्दै आएको यस बैंकले हालै मात्र काठमाडौंको ज्ञानेश्वरमा कफी लाउन्जसहितको डिजिटल हब सञ्चालनमा ल्याएको छ ।
