- वि.सं २o८२ भदौ १९ बिहीबार
बर्दियामा चितुवाको आक्रमणबाट एकजना घाइते भएका छन्। चितुवाको आक्रमणबाट मधुवन नगरपालिका– १ बड्कीटडुवाका ५५ वर्षीय बाँधुराम चौधरी घाइते भएका हुन्।
चौधरी मधुवन नगरपालिका– १ मा रहेको औरही सामुदायिक वनमा बाख्रा चराउन गएका थिए। बाख्रा चराएर घर फर्किन लाग्दा दिउँसो ३ बजेको समयमा चितुवाले आक्रमण गरेको थियो। घटनालगत्तै चौधरीलाई उपचारका लागि बर्दिया अस्पताल गुलरिया ल्याइएको थियो।
चौधरीको निधार, टाउको र हातमा चोट लागेको बर्दिया अस्पतालका मेडिकल अधिकृत चन्द्रप्रकाश तिमिल्सिनाले बताए। उनले भने, ‘घाइते भएर उपचारका लागि ल्याइएको चौधरी अहिले होसमा हुनुहुन्छ। शरीरबाट रगत धेरै बगेको हुँदा उहाँको स्वास्थ्य अवस्था चिन्ताजनक छ।’
