बेलडाँडी फुटबल प्रतियोगिताको उपाधि झिलमिला युवा समाजलाई 

बेलडाँडी गाउँपालिकामा सम्पन्न बेलडाँडी फुटबल प्रतियोगिताको उपाधि झिलमिला युवा समाज(बी) टिमले हात पारेको छ। 

शनिबार सम्पन्न फाइनल प्रतियोगितामा झिलमिला युवा समाज(बी) टिमले दोधाराचाँदनी नगरको केएफसी क्लबलाई लगातार ०–२ गोल गर्दै उपाधि जितेको हो।

विजेता झिलमिला युवा समाज(बी)ले नगद ८२ हजारसहित ट्रफी, मेडल पाएको छ भने, उपविजेता दोधाराको केएफसी क्लबले नगद ४५ हजारसहित ट्रफी मेडल पाएको छ । 

सुुदूरपश्चिमेलीहरूको महान पर्व गौराको अवसरमा अलस्टार युवा क्लबले गत शनिबारदेखि गौरा महेश्वरी मन्दिर खेलकुद मैदान क्षेत्रमा आयोजना गरेको आठौँ संस्करणअन्तर्गत नकआउट प्रतियोगिता शनिबार सम्पन्न भएको हो। 

प्रतियोगितामा आयोजकका तीनसहित १६ टिमबिच प्रतिस्पर्धा भएको थियो । ग्रामीण भेगको खेलकुद वृद्धि विकासका लागि हरेक वर्ष प्रतियोगिता आयोजना गर्दै आएको जनाएको छ। 

विजेता टिमलाई पुरस्कार वितरण गर्दै बेलडाँडी गाउँपालिका प्रमुख हरीशचन्द्र रानाले ग्रामीण भेगको खेलकुद वृद्धि विकासका लागि प्रतियोगिता सराहनीय भएको बताए।