- वि.सं Invalid date format
महिला प्रहरीको क्षमता सबलीकरण र महिलामैत्री सेवा प्रवाहलाई प्रभावकारी बनाउने उद्देश्यले नेपाल प्रहरीले पहिलोपटक महिला प्रहरी सम्मेलन आयोजना गरेको छ । दुईदिने सम्मेलनको बिहीबार प्रहरी प्रधान कार्यालयमा उद्घाटन भएको छ । गृहमन्त्री रमेश लेखकले सम्मेलनको उद्घाटन गरेका हुन्।
सम्मेलनमा महिला प्रहरी प्रहरी चैत्यमाया डंगोलगायतलाई सम्मान गरिएको छ । देशभरका महिला प्रहरीलाई सम्मेलनमा सहभागी गरिएको छ । लैंगिक समानता र लैंगिक न्यायलाई मूल प्रवाहीकरण गर्ने उद्देश्यले कार्यक्रम आयोजना गरिएको प्रहरी प्रधान कार्यालयले जनाएको छ । देशभरिबाट करिब दुई सय महिला प्रहरी भेला भएका छन्।
सम्मेलनअन्तर्गत अनुभव आदान–प्रदानदेखि प्यानल छलफलसम्मको तयारी छ। नेपाल प्रहरी लैंगिक नीति, २०८१ कार्यान्वयनको क्रममा यो कार्यक्रम आयोजना गरिएको प्रहरी प्रवक्ता डिआइजी विनोद घिमिरेले बताए।
