- वि.सं Invalid date format
एएफसी एसियन कप छनोटको पहिलो खेलमा नेपालले लाओसविरुद्ध पहिलो हाफमा २–० को अग्रता बनाएको छ।
उज्वेकिस्तानको तास्केन्तमा नेपालको लागि अनिता बस्नेत र कप्तान सावित्रा भण्डारीले गोल गरेका हुन्।
खेलको १२औँ मिनेटमा अनिताले अग्रता दिलाएकी हुन्। सावित्राको हेडिङ पासमा अनिताले सहजै गोल गरिन्। ४४औँ मिनेटमा सावित्राले टिमको लागि दोस्रो गोल गरिन्। उनले अनिता बस्नेतले दिएको पासमा हेडिङ गोल गरेकी हुन्।
एएफसी एसियन कप छनोट २०२५ को समूह ‘एफ’मा नेपाल र लाओससँगै उज्वेकिस्तान र श्रीलंका छन्। समूहको शीर्ष एक टोलीले अस्ट्रेलियामा हुने एसिया कपमा स्थान बनाउनेछ।
