- वि.सं २o८२ असार ६ शुक्रबार
शनिबारदेखि बिपी राजमार्ग बेलुकाको समयमा बन्द हुने भएको छ। बाढीपहिरोको जोखिमका कारण सडक बन्द गर्ने निर्णय भएको छ ।
काभ्रेपलाञ्चोक, रामेछाप र सिन्धुलीका जिल्ला सुरक्षा समितिका पदाधिकारीको शुक्रबार बसेको बैठकले यस्तो निर्णय गरेको हो। जसअनुसार साँझ ६ः३० देखि बिहान बिहान ५ बजेसम्म सार्वजनिक तथा निजी दुवै सवारी चलाउन पाइनेछैन । हालका लागि १५ दिनसम्म बन्द बेलुका बन्द गरिने र त्यसपछि अवस्था हेरेर निर्णय हुने जिल्ला प्रहरी कार्यालय, काभ्रेपलाञ्चोकका डिएसपी मीनबहादुर घलेले बताए।
सुरक्षा समन्वय बैठक
गत वर्ष असोजमा आएको बाढीले बिपी राजमार्ग क्षतिग्रस्त छ । जसकारण बेलुका थप जोखिमको सम्भावना भएकाले बन्द गर्ने निर्णय भएको हो। बिहीबार बेलुका मात्र केही सर्वसाधारण फसेपछि बेलुका सडक बन्द गर्ने निर्णय भएको हो।
