- वि.सं Invalid date format
भिजिट भिसाको दुरुपयोग र मानव तस्करी प्रकरणमा उच्चस्तरीय छानबिन समिति माग्दै रास्वपा जुम्लाले प्रमुख जिल्ला अधिकारी रामबहादुर शाहीलाई ज्ञापनपत्र बुझाएको छ।
प्रतिनिधिसभा सदस्य विनिता कठायतसहित जिल्ला प्रशासन कार्यालय पुगेका रास्वपा जिल्ला संयोजक मक्करबहादुर भण्डारीले शुक्रबार सिडिओ शाहीलाई ज्ञापनपत्र बुझाउँदै संघीय सरकारको ध्यानाकर्षण गराएका हुन्।
संघमा रास्वपाले सदनमा निरन्तर आन्दोलन गरिरहेका वेला जिल्ला कमिटीले सिडिओमार्फत सरकारको ध्यानाकर्षण थालेका छन्। ज्ञापनपत्रमा भिजिट भिसा प्रकरणमा उच्चस्तरीय छानबिन समिति गठन हुनुपर्ने, गृहमन्त्री रमेश लेखकले राजीनामा दिनुपर्नेलगायतका माग गरिएको छ।
