- वि.सं Invalid date format
नेपाल पर्यटन बोर्डले पर्यटकको सहजताका लागि नि:शुल्क सटल बस सेवा सञ्चालनमा ल्याएको छ । देशका विभिन्न स्थानमा देखिएको सार्वजनिक सवारीसाधन अवरोध, हडताल र यातायात सेवा अवरुद्ध भएकाले त्रिभुवन अन्तर्राष्ट्रिय विमानस्थलको आगमन कक्षबाहिरदेखि काठमाडौंका होटेलसम्म पर्यटकलाई नि:शुल्क यात्राको सुविधा उपलब्ध गराइएको हो ।
पर्यटकको आगमन सहज र स्वागतयोग्य बनाउने उद्देश्यले सुरु गरिएको यो सेवाबाट विमानस्थलको आगमन क्षेत्रमै नेपाल पर्यटन बोर्डका प्रतिनिधिले यात्रुलाई जानकारी र सहयोग प्रदान गरिरहेका छन् ।
बोर्डले आगामी दिनमा पनि यस्ता सहज, व्यवस्थित र पर्यटकमैत्री सेवा थप विस्तार गर्दै जाने जनाएको छ । नेपाल पर्यटन बोर्डले यो पहल स्वदेश आउने पर्यटकलाई स्वागतजनक अनुभूति दिन र उनीहरूको पहिलो यात्रालाई सहज बनाउन सुरु गरेको बताइएको छ ।
