Skip This
एनसेलले प्रिपेड ग्राहकका लागि तीनवटा नयाँ साप्ताहिक रिन्युअल प्याक ल्याएको छ । एक हप्ताका लागि ग्राहकको भ्वाइस, डेटा र एसएमएस सेवाको आवश्यकतालाई ध्यानमा राखी बजेटमैत्री विकल्पका रूपमा यी प्याक ल्याइएको एनसेलले जनाएको छ । यी प्याक मंगलबारदेखि नै लागू भएका छन् ।
भ्वाइस प्याकअन्तर्गत, ग्राहकले सात दिनसम्म एनसेल वा एनटिसीमा अनलिमिटेड कल गर्न सक्नेछन्, जसको मूल्य ९९ रुपैयाँ छ । हप्ताभरका लागि डेटा, भ्वाइस र एसएमएस सेवा चाहिने ग्राहकले भने ९९ रुपैयाँमा दुई जिबी डेटा, ४९ मिनेटको अल नेपाल कल र ९ वटा अल नेपाल एसएमएस भएको ‘सधैँ अन’ प्याक लिन सक्नेछन् । यसैगरी, डेटा मात्र चाहने ग्राहकले भने एक सय ५० रुपैयाँमा १० जिबी उच्च गतिको डेटा सात दिनसम्म प्रयोग गर्न सक्ने एनसेलले जनाएको छ ।
यी प्याक हरेक हप्ता आफैँ नवीकरण हुनेछन् । यसले ग्राहकलाई बारम्बार प्याक लिनुपर्ने झन्झटबाट मुक्त बनाउने बताइएको छ । सेवा साप्ताहिक रूपमा नवीकरण गर्ने वेला भने मोबाइलमा पर्याप्त ब्यालेन्स हुनुपर्ने कम्पनीले जनाएको छ ।
