Skip This
आफू गृहमन्त्री रमेश लेखकको साथी हुँ भन्दै सरकारी कर्मचारीहरूलाई धम्क्याउने एक व्यक्ति पक्राउ परेका छन्। काभ्रेपलाञ्चोकको बनेपा- ३ घर भएका ५० वर्षीय राजकुमार श्रेष्ठलाई काठमाडौं उपत्यका अपराध अनुसन्धान कार्यालयले शनिबार पक्राउ गरेको हो।
उनले आफू गृहमन्त्रीको साथी हुँ भन्दै साझा स्वास्थ्य सेवा, चाबहिलका कर्मचारीलाई फोन गर्दै आफूअनुकूल काम गर्न धम्क्याउँदै आएका थिए। कर्मचारीकै उजुरीका आधारमा उनलाई पक्राउ गरी मुद्दा प्रक्रिया अघि बढाइएको एसपी काजीकुमार आचार्यले बताए। उनी ब्रेन वे कम्पनीका कर्मचारी भएको खुलेको छ। उनको गृहमन्त्री लेखकसँग कुनै सम्बन्ध नरहेको प्रहरीले जनाएको छ।
अन्य केही कर्मचारीलाई पनि उनले आफू भूमि व्यवस्थामन्त्रीको पिए हुँ भनेर धम्क्याएको अनुसन्धानमा खुलेको छ ।
