- वि.सं २o८२ बैशाख २६ शुक्रबार
अर्घा भगवती भेन्चर्स प्रालिको आइपिओ निष्कासनका लागि कुमारी क्यापिटलले सघाउने भएको छ । सहकार्यका लागि यी दुई संस्थाबिच सम्झौता पनि भएको छ । सम्झौतामा अर्घा भगवतीका सञ्चालक समिति अध्यक्ष कुशल थापा र कुमारी क्यापिटलका प्रमुख कार्यकारी अधिकृत पुष्प शर्माले हस्ताक्षर गरे ।
अर्घा भगवतीको नवीकरणीय सौर्य परियोजनालाई संस्थागत परामर्श सेवा, कम्पनीलाई सूचीकरण हुँदासम्म गर्नुपर्ने सार्वजनिक निष्कासनलगायतका सम्पूर्ण काम फत्ते गर्नेसम्झौपत्रमा उल्लेख छ । जसका लागि अर्घा भगवतीले कुमारी क्यापिटल लिमिटेड नियुक्त गरेको छ ।
अर्घा भगवतीले हाल अर्घाखाँची जिल्लामा १० मेगावाटको नवीकरणीय सौर्य ऊर्जा उत्पादनको निर्माण काम गरिरहेको छ । छोटो समयमा नै आयोजनाका सम्पूर्ण काम सम्पन्न गरी विद्युत् उत्पादनलाई राष्ट्रिय प्रसारणलाइनमार्फत वितरण गरी देशको आर्थिक समृद्धिमा टेवा पुर्याउने र स्वच्छ वातावरण प्रवर्द्धन गर्ने लक्ष्य रहेको बताइएको छ । कम्पनीले हालै मात्र वित्तीय व्यवस्थापनका रूपमा प्राइम कमर्सियल बैंकमार्फत फाइनान्सियल क्लोजर सम्पन्न गरिसकेको छ ।
