- वि.सं Invalid date format
रुपन्देहीको लुम्बिनी सांस्कृतिक नगरपालिकाका मेयर सजरुद्दिन मुसलमानको निधन भएको छ। नगरप्रमुख खानको शनिबार बिहान ९ बजे उपचारका लागि अस्पताल लैजाँदै गर्दा निधन भएको हो। लामो समयदेखि मुटुरोग तथा मधुमेहबाट ग्रसित मुसलमानको उपचारका क्रममा निधन भएको वडा नम्बर ९ का वडाध्यक्ष कमाल अख्तर फकिरले जानकारी दिए।
नेपाली कांग्रेसको तर्फबाट नगरप्रमुखमा निर्वाचित मुसलमान आज बिहान अस्वस्थ भएपछि चेकजाँचका लागि लुम्बिनीस्थित लइफ केयर अस्पताल पुर्याइएकोमा थप उपचारका लागि भैरहवातर्फ लग्ने क्रममा निधन भएको वडाध्यक्ष फकिरले बताए।
मेयर मुसलमान पहिलेदेखि मुटुको बिरामी थिए। मेयरको पार्थिव शरीरलाई अहिले आफ्नैनिवास पडरियामा राखिएको छ। उनको अन्त्येष्टि धार्मिक परम्पराअनुसार साँझ ५ बजे गरिने परिवारले जनाएको छ।
