- वि.सं Invalid date format
सिरहाको मिर्चैया नगरपालिका–२ मल्हनियाँ पिराडी र १२ नम्बर वडामा पर्ने सिक्रौन गाउँको सडक खण्डमा पर्ने मैनाबत्ती खोलाको पुल भासिएको छ ।
मल्हनियाँ पिराडी गाउँहुँदै दक्षिणतर्फ सिक्रौन जाने सडकको उक्त पुल सोमबार बिहान आएको बाढीले भासिदा आवागमन पूर्ण रूपमा अवरुद्ध भएको स्थानीय विशेश्वर मण्डलले बताए । उनका अनुसार स्थानीय बासिन्दाको विरोधका बाबजुद मैनाबत्ती खोलाबाट अनियन्त्रित रुपमा वालुवा र किनारको माटो निकालेर सडक भर्ने काम गरिएपछि कमजोर भएको बेस बाढीले भासिएको हो ।
करिब डेढ दशकअघि गरिबी निवारण कार्यक्रमअन्तर्गत निर्माण गरिएको पुल छेउछाउबाट खोला सफा गर्ने नाममा जेसिबी प्रयोग गरी माटो समेत निकालिएको थियो । स्थानीयले विरोध गरे पनि वडा कार्यालय र पालिकाले बेवास्ता गर्दा त्यसको मार अहिले परेको स्थानीयको गुनासो छ । पुल भासिएपछि सिरहाको पश्चिमी भेगमा पर्ने निर्दना, भेडिया, सिक्रौन गाउँबाट मिर्चैया आवतजावत गर्न कठिनाई भएको छ ।
