भूमिसम्बन्धी समस्या समाधान खारेजीको विरुद्ध सर्वोच्च अदालतमा चार रिट दर्ता भएका छन् ।
सर्वोच्च अदालतका अनुसार शुक्रबार र आइतबार गरी सर्वोच्चमा आयोग खारेजीविरुद्ध चार रिट दर्ता भएका छन् ।
सर्वोच्चका प्रवक्ता बाबुराम दाहालका अनुसार चारवटै रिटको पेसी भोलिका लागि तोकिएको छ ।
‘भूमि आयोग खारेजीविरुद्ध चार रिट दर्ता भएका छन् । सबै रिटको भोलिका लागि पेसी तोकिएको छ,’ दाहालले नयाँ पत्रिकासँग भने ।
रिट दर्ताका लागि खारेज भएको आयोगका अध्यक्ष देवी ज्ञवालीसहितको चार रिट परेका छन् । ज्ञवालीले आइतबार आफैँ उपस्थित भएर रिट दर्ता गरेका थिए ।
