नारायणी नदीमा आएको बाढीले नवलपुरको गैँडाकोटका ११० घर डुबानमा परेका छन् । नवलपुर प्रहरीका अनुसार गैँडाकोट– २, बोटेटोलमा बाढीबाट प्रभावित ११० घरका चार सयजनालाई आइतबार सुरक्षित स्थानमा स्थानान्तरण गरिएको छ ।
चार सयजनालाई प्रहरी र स्थानीयको सहयोगमा नजिकै रहेको महेन्द्र आधारभूत विद्यालय र केहीलाई आफन्तहरूको घरमा व्यवस्थापन गरिएको छ । उनीहरूको सरसामानहरू सुरक्षित स्थानमा सार्ने कार्य भइरहेको छ ।
घर डुबानमा परे पनि यहाँ मानवीय तथा पशु चौपायाको कुनै पनि क्षति नभएको प्रहरीले जनाएको छ । शनिबार पनि यहाँका १८ घरका १४० जनालाई स्थानान्तरण गरिएको थियो ।
See More On
