सन् १९६९ : एपोलो ११ चन्द्र धरातलमा अन्तरिक्षयात्री टेकाएर तिनलाई सकुसल पृथ्वीमा उतार्न सफल भयो ।
सन् १९०१ : लेखक ओ. हेनरी बैंकलाई धोकाधडी गरेको आरोपमा तीन वर्ष लामो जेल जीवन बिताएर आजकै दिन रिहा भए ।
सन् १९११ : अमेरिकी अन्वेषक हिराम बिनघमले इन्का जातिको हराएको सहर माचु पिच्चु पत्ता लगाए ।
सन् १९६७ : डा. सिसेली स्यान्डर्सले लन्डनमा पहिलो आधुनिक ‘प्यालियटिम केयर’ सेवा सुरु गरे । यसले मृत्यु निश्चित भएका बिरामीलाई अन्तिम समय सहज रूपमा बिताउन सघाउने अभियान सुरु गर्यो ।
सन् १९८५ : भारतीय प्रधानमन्त्री राजीव गान्धीले शिख नेता हरचन्द सिंह गोंगोवाईसँग तीन वर्षदेखि पन्जाबमा मच्चिरहेको हिंसा कम गर्ने विषयमा सम्झौता गरे ।
सन् २०१५ : तत्कालीन अमेरिकी राष्ट्रपति बाराक ओबामाले आफ्नो पिताको देश केन्याको दुईदिने भ्रमण सुरु गरे ।
See More On
