- वि.सं २o८१ बैशाख ३१ सोमबार
निहारिका राजपुत बलात्कारका आरोपित शिवराज श्रेष्ठ पक्राउ परेका छन् ।
श्रेष्ठलाई प्रहरीले धनुषाको जनकपुरबाट भर्खरै पक्राउ गरेको केन्द्रीय प्रहरी प्रवक्ता प्रहरी नायब महानिरीक्षक टेकप्रसाद राईले जानकारी दिए ।
न्याय खोज्दै आमरण अनशन गरिरहेकी महोत्तरीको जलेश्वर नगरपालिका– ९ की सोनालीकुमारी सिंह ‘निहारिका’लाई हिजो मात्रै कानुनमन्त्री गोविन्द बन्दीले भेटी आरोपितलाई पक्राउ गर्ने प्रतिबद्धता जनाउँदै अनशन तोड्न आग्रह गरेका थिए ।
काठमाडौं महाराजगन्जस्थित शिक्षण अस्पतालमा उपचाररत निहारिकाले भने आफूले न्याय नपाउँदासम्म अनशन नतोड्ने अडान लिएकी छिन् । त्यसअघि उनले शुक्रबार राष्ट्रपतिनिवासअगाडि आत्मदाहको प्रयास गरेकी थिइन् ।
निहारिकाले आरोपितको पक्राउ, आरोपित र बच्चाको डिएनए परीक्षणलगायतका माग राखी अनशन गरिरहेकी छिन् ।
