- वि.सं २o८१ बैशाख ३१ सोमबार
राष्ट्रिय दलित आयोगले दलित समुदायका व्यक्तिहरूको नागरिकताको नाममा भएको अपमान तथा भेदभावप्रति आपत्ति जनाएको छ । दलित समुदायका केही व्यक्तिलाई नागरिकता वितरण भर्दा ‘कुकुर कामी’, ‘कुकुर्नी कामी’, ‘कुत्ता कामी’ जस्ता नाम लेखेर दलितलाई अपमान गरेको भन्दै आयोगले आपत्ति जनाएको हो ।
बुधबार काठमाडौंमा आयोजित एक साक्षात्कार कार्यक्रममा आयोगका अध्यक्ष देवराज विश्वकर्माले नागरिकतामा देखिएको विभेदले नागरिकता लिने व्यक्तिलाई मात्र नभएर त्यसको असर तिनका पुस्तौँपुस्तासम्म पर्ने बताए । ‘नागरिकतामा अपमानजनक शब्द राख्नु राम्रो होइन,’ उनले भने । आयोगले नागरिकतामा राखिएको थर सच्चाउनका लागि संशोधनको कुरा उठाउँदै आएको उनको भनाइ छ ।
कार्यक्रममा सांसद अञ्जना बिसंखे, भुवन सुनार, सामाजिक अभियन्ता प्रदीप परियारलगायतले दलितका मुद्दामा राज्य गम्भीर हुनुपर्ने बताए । रासस
