- वि.सं २o८१ बैशाख २५ मंगलबार
कुमारी क्यापिटल लिमिटेडले अजोड इन्स्योरेन्स लिमिटेडको सेयर रजिस्ट्रारसम्बन्धी सम्पूर्ण कार्य गर्ने भएको छ । सेयर रजिस्ट्रार नियुक्तसम्बन्धी सम्झौतामा क्यापिटलका अश्विनबाबु श्रेष्ठ र इन्स्योरेन्सका कुमारबहादुर खत्रीले हस्ताक्षर गरेका हुन् ।
सम्झौतासँगै धितोपत्र कारोबारसम्बन्धी अभिलेख राख्ने, सेयर दाखिल खारेज गर्ने, नामसारी गर्ने र सेयरधनीहरूको लगत अद्यावधिक गरिराख्नेसम्बन्धी सम्पूर्ण कार्यहरू नक्सालमा रहेको कुमारी क्यापिटलले गर्ने, नागपोखरी, नक्साल, काठमाडौंमार्फत उपलब्ध गराउने क्यापिटलले जनाएको छ ।
अजोड इन्स्योरेन्स लिमिटेडकोे सम्पूर्ण तथ्यांक क्यापिटललाई प्राप्त नभइसकेकाले आधिकारिक रूपमा सेवा प्रारम्भ भएपश्चात् सार्वजनिक सूचना जारी गर्ने कम्पनीले जनाएको छ ।
