- वि.सं २o८१ बैशाख ३१ सोमबार
खुट्टा जलेपछि कुहिएर बेहाल बनेकी गुल्मी मुसिकोट नगरपालिका– ३ की पुतली रानालाई उपचारका लागि काठमाडौं पठाइएको छ । उनलाई मंगलबार कीर्तिपुर अस्पतालमा उपचारका लागि भर्ना गरिएको छ ।
रानालाई नगरपालिकाको तर्फबाट एम्बुलेन्स सहयोग र उपचारका लागि नगद २५ हजार रुपैयाँ प्रदान गरिएको छ । मुसिकोट नगरपालिकाका मेयर जीवन खरेल, उपमेयर गंगा श्रेष्ठ, स्वास्थ्य संयोजक डिबी जिसी, वडाध्यक्ष शंकर रायमाझीलगायत घरमै पुगेर आर्थिक सहयोगसहित रानालाई काठमाडाैँ पठाएका हुन् । उनको अवस्थाबारे नयाँ पत्रिकामा समाचार प्रकाशन भएको थियो ।
