तारा एयरको विमान दुर्घटनामा ज्यान गुमाएकाको शव मृतकका परिवारलाई हस्तान्तरण गरिएको छ। निधन हुनेहरूको शव त्रिवि शिक्षण अस्पतालमा पोस्टमार्टम गरेर मृतकको परिवारलाई बिहीबार हस्तान्तरण गरिएको हो।

आइतबार पोखराबाट मुस्ताङतर्फ उडेको तारा एयरको जहाज मुस्ताङको थासाङ गाउँपालिका– २ सानाेसरेमा दुर्घटना हुँदा २२ जनाको निधन भएको थियो। दुर्घटनामा परेको जहाज सोमबार बिहान फेला परेको थियो भने सोमबार र मंगलबार गरी दुई चरणमा शवहरूलाई नेपाली सेनाको हेलिकाेप्टरमार्फत काठमाडौं ल्याइएको थियो।