- वि.सं २o८१ बैशाख ३१ सोमबार
जिल्लाको खाँडादेवी गाउँपालिका अध्यक्ष र उपाध्यक्षमा नेकपा एमालेका उम्मेदवार विजयी भएका छन् । पालिकाको अध्यक्षमा ज्ञानकुमार श्रेष्ठले सात हजार तीन सय ६९ मत प्राप्त गरी विजयी भएका हुन् । उनका प्रतिद्वन्द्वी नेपाली कांग्रेसका उम्मेदवार नवराज थोकरले चार हजार नाै सय नाै मत प्राप्त गरे ।
त्यसैगरी, उपाध्यक्षमा एमालेकी रमा घिसिङ सात हजार चार सय ५८ मत प्राप्त गरी विजयी भएकी छिन् । उनका प्रतिद्वन्द्वी नेकपा माओवादी केन्द्रका मानबहादुर लामाले चार हजार एक सय ११ मत प्राप्त गरे ।
योसँगै रामेछापका दुई नगरपालिका र ६ वटै गाउँपालिका गरी आठवटै स्थानीय तहको मतगणना सम्पन्न भएको मुख्य निर्वाचन कार्यालय रामेछापले जनाएको छ ।
