- वि.सं २o८१ जेठ १२ शनिबार
ओखलढुंगाको खिजिदेम्बा गाउँपालिका अध्यक्षमा जसपाका गम्बु शेर्पा विजयी भएका छन् । कांग्रेसको गढ मानिने खिजिदेम्बामा जसपाका शेर्पाले कांग्रेसका भूपेन्द्र बस्नेतलाई १३० मतान्तरले पराजित गरेका हुन् ।
कांग्रेसका केन्द्रीय सदस्य प्रदीप सुनुवारको पालिका खिजिदेम्बामा जसपाका शेर्पा २८८२ मत ल्याएर विजयी भए । कांग्रेसका बस्नेतले २७५२ मत ल्याए । एमालेका रामबहादुर खत्रीले १७१५ मत ल्याएका थिए ।
उपाध्यक्षमा कांग्रेसकी सुशीला तामाङ विजयी भएकी छिन् । उनले २८२४ मत ल्याएर विजयी हुँदा जसपाका उम्मेदवारले २२४१ र एमालेको उम्मेदारका पक्षमा १७१५ मत परेको निर्वाचन अधिकृत विष्णुहरि बरालले जानकारी दिए ।
दुई पूर्वजिल्ला सभापति महेश कोर्मोचा र प्रदीप सुनुवारको क्षेत्र भएकाले यहाँ कांग्रेसको संगठन बलियो थियो । २०७४ को स्थानीय निर्वाचनमा अध्यक्ष उपाध्यक्षसहित बहुमत सिट कांग्रेसले जितेको थियो ।
९ वटा वडा रहेको खिजिदेम्बाका ७ वडा कांग्रेस र २ वटा वडा जसपाले जितेको छ ।
