- वि.सं २o८१ जेठ १ मंगलबार
बझाङको सुर्मा गाउँपालिकामा आचारसंहिता बनाउन बसेको सर्वदलीय बैठकमा विवादपछि झडप हुँदा वडा नम्बर ५ एमालेका अध्यक्षका उम्मेदवार घाइते भएका छ्न् । झडपमा अध्यक्षका उम्मेदवार धर्क बोहरा र अर्का एमाले कार्यकर्ता रामगिरि बोहरा घाइते भएका हुन् ।
घाइतेको टाउको र शरीरमा चोट लागेकाे छ। घाइते दुवैजनाको जिल्ला अस्पताल बझाङमा उपचार भइरहेको छ । आचारसंहिता बनाउन बसेको सर्वदलीय बैठकमा एक्कासि कांग्रेस कार्यकर्ताले आक्रमण गरी उम्मेदवारलाई कुटपिट गरी घाइते बनाएको स्थानीय विनोद बोहराले बताए ।
घाइतेहरूले आक्रमण गर्नेहरूको नाममा दौलीचौर प्रहरीचौकीमा उजुरी दिएका छन् ।
