सानिमा बैंकको प्रमुख कार्यकारी अधिकृतमा निश्चलराज पाण्डे नियुक्त भएका छन् । बैंकको सञ्चालक समितिले पाण्डेलाई २०७८ माघ १२ देखि लागू हुने गरी प्रमुख कार्यकारी अधिकृतमा नियुक्त गरेको हो ।
२०७० सालदेखि सानिमा बैंकमा कार्यरत पाण्डे असोज २०७८ देखि सानिमा बैंककै नायब प्रमुख कार्यकारी अधिकृतका रूपमा जिम्मेवारी निभाउँदै आएका थिए । उनको बैंकिङ क्षेत्रमा २६ वर्ष लामोे अनुभव रहेको र यसअघि नबिल बैंकमा १८ वर्ष काम गरिसकेको जनाइएको छ ।
पाण्डे कर्जाको विषयमा राम्रो ज्ञाता रहेको र बैंकको प्रमुख जोखिम अधिकृत र प्रमुख कर्जा अधिकृतको जिम्मेवारी निभाइसकेको बैंकले जनाएको छ । उनी सानिमा क्यापिटलको सञ्चालक रहिसकेको जनाइएको छ ।