ग्राहकलाई न्यूनतम मूल्यमा उच्चतम इन्टरनेट स्पिडको इन्टरनेट सेवा प्रदान गर्ने उद्देश्यसहित भायानेटले अल्ट्रा–फाई लाइनको प्याकेज ल्याएको छ । अल्ट्रा–फाईअन्तर्गत १२५ एमबिपिएस, १७५ एमबिपिएस र २५० एमबिपिएसका तीनवटा प्याकेज ल्याएको कम्पनीले जनाएको छ ।
यो सिरिजको मुख्य प्याकेज भनेको १७५ एमबिपिएसको इन्टरनेट हो, जसको वार्षिक प्याकेज लिँदा महिनाको १२ सय ५० रुपैयाँ पर्न आउँछ । यो प्याकेज लिँदा दुईवटा टिभीको लाइन पनि उपलब्ध हुनेछ । भायानेटले निःशुल्क इन्टरनेट जडान, निःशुल्क पहिलो सेट–टप–बक्स र सबै प्याकेजमा एक हजार रिवार्ड अंक प्रदान गर्नेछ ।