भारतको तमिलनाडुको कन्नुरमा बुधबार सेनाको हेलिकोप्टर दुर्घटना भएको छ । भारतीय सेना प्रमुख विपिन रावत सवार रहेको हेलिकोप्टर दुर्घटनमा परेको हो । रिपोर्टअनुसार उक्त घटनामा चारजना अधिकारीहरूको मृत्यु भएको छ । मृत्यु हुनेहरूको नाम भने सार्वजनिक गरिएको छैन ।
उक्त दुर्घटनाको भिडियो फुटेज बाहिर आएको छ । जसमा, हेलिकोप्टर पूर्ण रूपामा क्षतिग्रस्त भएको देखिन्छ । सैनिक प्रमुख रावतको अवस्थाबारे भने आधिकारिक रूपमा कुनै जानकारी आएको छैन । उनकी पत्नी पनि हेलिकोप्टरमा सवार रहेको बताइएको छ।
सैनिक जनरल विपिन रावत सन् २०१६ को डिसेम्बर ३१ देखि २०१९ को डिसेम्बर ३१ सम्म सेना प्रमुखको पदमा रहेका थिए । उनी सन् २०२० को जनवरी १ देखि चिफ अफ डिफेन्स स्टाफको जिम्मेवारीमा रहँदै आएका थिए ।