- वि.सं २o८१ बैशाख ३० आइतबार
रौतहटको देवाही गोनाही नगरपालिका– ५ टिकुलियास्थित एकै परिवारका दुई बालकको शंकास्पद मृत्यु भएको छ । टिकुलियाका सञ्जय मुखियाका पाँच वर्षीय छोरा आकाश र चार वर्षीय छोरा विकासको विषयका कारण शंकास्पद मृत्यु भएको हो ।
उनीहरूको उपचारको क्रममा ज्यान गएको जिल्ला प्रहरी कार्यालय रौतहटले जनाएको छ । दुवै बालकहरूलाई रिसइवीका कारण गाउँकै स्थानीयले विष खुवाई हत्या गरेको परिवारको भनाइ रहेको छ । प्रहरीले यस घटनालाई शंकास्पद भन्दै गम्भीर अनुसन्धान गरिरहेको रौतहटका एसपी विनोद घिमिरेले जानकारी दिए ।
उनका अनुसार बालकहरूको विषका कारण मृत्यु भएको हो । ती बालकहरूलाई सुरुमा उपचारका लागि गरुडा लगिएको थियो । तर स्वास्थ्यमा सुधार नआएपछि थप उपचारका लागि आइतबार साँझ वीरगन्ज लैजाँदै गर्दा बाटोमै ज्यान गएको जिल्ला प्रहरी कार्यालय रौतहटले जनाएकाे छ ।
