टर्निङ प्वाइन्ट्स-२०२२फ्रन्ट पेजमुख्य समाचारसमाचारदृष्टिकोणअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीयस्वास्थ्य र जीवनशैलीसाहित्य१३औँ वार्षिकोत्सव विशेषांकफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७८ माघ ६ बिहीबार
  • Thursday, 20 January, 2022
नयाँ पत्रिका काठमाडौं
२०७८ कार्तिक १२ शुक्रबार १७:४७:००
Read Time : > 2 मिनेट
विश्व डिजिटल संस्करण

चिनियाँ राष्ट्रपति सीले सम्झिए राष्ट्रसंघ प्रवेशको ५० वर्ष

Read Time : > 2 मिनेट
नयाँ पत्रिका, काठमाडौं
२०७८ कार्तिक १२ शुक्रबार १७:४७:००

पचास वर्षअघि संयुक्त राष्ट्र संघको २६औँ महासभाले जनवादी गणतन्त्र चीनको वैधानिक स्थान पुनर्स्थापित गर्ने र उसका प्रतिनिधिहरूलाई मान्यता दिने निर्णय गरेको थियो।  त्यसअघि ताइवानले मान्यता पाएको थियो।   चिनियाँ राष्ट्रपति सी जिनपिङले राष्ट्रसंघमा पुनः प्रवेशको पचासौँ वर्षका अवसरमा जारी गरेको सन्देशमा चिनियाँ जनताको मात्र नभएर विश्वका जनताको जितका रूपमा चीनले मान्यता पाएको भनेका छन्।  चीन संयुक्त राष्ट्रसंघको स्थायी सदस्य मुलुक हो।  

‘संयुक्त राष्ट्र संघमा नयाँ चीनको वैधानिक स्थानको पुनर्स्थापना विश्व र संयुक्त राष्ट्रका लागि महत्वपूर्ण घटना थियो,’ सीले सम्झेका छन्, ‘विश्वमा न्यायको पक्षमा उभिएका सबै शान्तिप्रिय देशहरूको संयुक्त प्रयासको परिणाम थियो।  उक्त निर्णयले चिनियाँ जनता अर्थात् वा विश्वको एक चौथाइ जनसंख्यालाई संयुक्त राष्ट्र संघको चरणमा फर्काएको चिह्न लगाइएको थियो भने यसको महत्व चीन र विश्वका लागि महत्वपूर्ण र दूरगामी थियो।’

संयुक्त राष्ट्र संघको महासभाको प्रस्ताव २७५८ मार्फत् चीन राष्ट्रसंघमा फर्केको थियो।  उक्त प्रस्तावलाई नेपालले पनि समर्थन गरेको थियो।  सीले सबै मुलुकप्रति आभार व्यक्त गरेका छन्।  त्यसयता चीनको शान्तिपूर्ण विकास र सम्पूर्ण मानवताको हितप्रतिको प्रतिबद्धता र समर्पण कायम रहेको राष्ट्रपति सीले बताएका छन्। ‘यी ५० वर्षदेखि चिनियाँ जनताले अथक मनोभाव देखाएर परिवर्तनशील परिस्थितिमा पनि चीनको विकासको सही दिशामा लागिरहेका छन्,’ राष्ट्रपति सीले भनेका छन्, ‘नयाँ चीनको स्थापना भएदेखि नै राष्ट्रिय निर्माण र विकासमा हासिल भएका उपलब्धिहरूको आधारमा चिनियाँ जनताले सुधार र खुलापनको नयाँ ऐतिहासिक युगको सुरुवात गर्दै चिनियाँ विशेषतासहितको समाजवादको सफलतापूर्वक सुरुवात र विकास गरेका छन्।’  चीनले उत्पादकत्वको विकास र जीवनस्तर उकास्ने प्रयास जारी राखेका उनले भनेका छन्। यही आधा शताब्दीमा चीनले कम उत्पादकत्व भएको देशबाट विश्वको दोस्रो ठूलो अर्थतन्त्रमा फड्को मार्ने ऐतिहासिक सफलता हासिल गरेको पनि उनले सम्झेका छन्।  

सीले चिनियाँ जनता विश्वभरका जनतासँग ऐक्यबद्धता र सहयोगमा उभिएको, उनीहरूले अन्तर्राष्ट्रिय समानता र न्यायको समर्थन गर्दै विश्व शान्ति र विकासमा महत्वपूर्ण योगदान दिएको पनि स्मरण गरेका छन्।  ‘चिनियाँ जनता शान्तिप्रिय जनता हुन् र शान्ति र स्थिरताको मूल्य राम्ररी जान्दछन्’ उनको भनाइ छ, ‘हामीले आधिपत्य र सत्ताको राजनीतिको दृढतापूर्वक विरोध गरेका छौँ। चिनियाँ जनता सार्वभौमसत्ता, सुरक्षा र विकास हितको रक्षा गर्न आफ्नो न्यायसंगत संघर्षमा अन्य विकासशील देशहरूको बलियो समर्थक हुन्।’ 

चिनियाँ जनता साझा विकास हासिल गर्न प्रतिबद्ध भएअनुरूप बिआरआईको अवधारणा अघि ल्याइएको राष्ट्रपति सीको भनाइ छ।  चीनले अन्य विकासोन्मुख देशहरूलाई मद्दत गर्न सकेको र आफ्नै विकासमार्फत विश्वलाई नयाँ अवसरहरू चीनले बिआरआईअन्तर्गत प्रदान गरेको पनि राष्ट्रपति सीको भनाइ छ।  कोभिड–१९ महामारीको कठिन समयमा, चीनले विश्वसँग कोभिड प्रतिक्रिया अनुभव बाँड्न सक्रिय रहेको, विश्वभर ठूलो मात्रार्मा , खोप र औषधीको आपूर्ति गरेको पनि उनले बताएका छन्।  महामारीसँग अन्तिम विजयका लागि विश्वसँग सहकार्य गर्न चीन तयार रहेको पनि सीको भनाइ छ। सीले चिनियाँ जनताले संयुक्त राष्ट्र संघको अख्तियार र पवित्रतालाई कायम राखेको उल्लेख गर्दै यसबीचमा बहुपक्षीयताको अभ्यास गरेको उल्लेख गरेका छन्। चीनले संयुक्त राष्ट्रसँग निरन्तर सहकार्य गरेको, संयुक्त राष्ट्र सुरक्षा परिषद्को स्थायी सदस्यको रूपमा आफ्नो जिम्मेवारी र मिसन निष्ठापूर्वक पूरा गरेको पनि उनको जिकिर छ।  उनको भनाइ छ, ‘संयुक्त राष्ट्र संघको बडापत्रको उद्देश्य र सिद्धान्तप्रति इमानदार रहेको छ र अन्तर्राष्ट्रिय मामिलामा संयुक्त राष्ट्र संघको केन्द्रीय भूमिकालाई समर्थन गरेको छ। शान्तिपूर्ण माध्यमबाट विवादको राजनीतिक समाधानका लागि चीन सक्रिय रूपमा उभिएको छ।’ चीनले ५० हजारभन्दा बढी शान्ति सैनिक शान्ति स्थापना कार्यका लागि पठाएको पनि उनले स्मरण गरेका छन्।  चीनले चिनियाँ सन्दर्भमा मानवअधिकारको विश्वव्यापीतालाई गम्भीरतापूर्वक लागू गरेको पनि उनको जिकिर थियो।  

सीले विगत ५० वर्षमा, अन्तर्राष्ट्रिय परिदृश्यका सबै उतार–चढावहरूमा, सबै देशका जनताको संयुक्त प्रयासले गर्दा विश्व समग्र रूपमा स्थिर रहेको विश्लेषण गरेका छन्।  यसबीचमा विश्व अर्थतन्त्र द्रुत गतिमा बढेको र विज्ञान र प्रविधिमा आविष्कारले नयाँ आधारहरू तय गरेको, यसबीचमा विकासशील देशहरूको ठूलो संख्या बलियो भएको पनि उनको भनाइ छ।  यसबीचमा एक अरबभन्दा बढी मानिसहरू गरिबीबाट बाहिर निस्किएको र धेरै अरब जनसंख्या आधुनिकीकरणतर्फ अघि बढिरहेको पनि उनले बताएका छन्।