- वि.सं Invalid date format
डडेल्धुरामा जुवाखालबाट २२ जना पक्राउ परेका छन्। बुधबार राति जिल्लाको अमरगढी नगरपालिका– ५ जिलोडास्थित पदमराज ओझाको घरबाट तास खेलिरहेको अवस्थामा सोही नगरपालिका– ४ बस्ने ५० वर्षीय इन्द्रबहादुर थापालगायत २२ जनालाई पक्राउ गरिएको प्रहरीले जनाएको छ।
ओझाको घरमा जुवातास खेलिरहेको भन्ने खबर प्राप्त हुनासाथ जिल्ला प्रहरी कार्यालय डडेल्धुराबाट खटिएको प्रहरीले उनीहरूलाई नगद ९३ हजार नाै सय ६० रुपैयाँ र चार बुक ताससहित पक्राउ गरेको हो।
उनीहरूलाई नियन्त्रणमा लिएर थप अनुसन्धान भइरहेको जिल्ला प्रहरी कार्यालय डडेल्धुराले जनाएको छ। पक्राउ परेका अन्यको नाम भने प्रहरीले खुलाएको छैन।
