- वि.सं Invalid date format
पाकिस्तानमा भीषण वर्षाका कारण कम्तीमा १२ जनाले ज्यान गुमाएका छन्। प्राप्त समाचारअनुसार पाकिस्तानको उत्तरपश्चिमी प्रान्त खैबर पाक्थुन्क्वामा भीषण मात्रामा वर्षा भएको छ।
गत शनिबारदेखि निरन्तर पानी परिरहेको अधिकारीहरूले जनाएका छन्। वर्षापछि पहिरो गएको र त्यसमा केही घर पनि बगेका जनाइएको छ। उद्धारको काममा खटिएका यहाँका अधिकारीहरूले क्षतिको पूर्ण विवरण आउन नसकेको बताएका छन्।
एकै ठाउँमा निकै ठूलो वर्षा भएको र सो निरन्तर रहेपछि बाढी र पहिरो आएको बताइएको छ। कतिपय बगेका घरमा परेर मानिसको निधन भएको अनुमान गरिएको छ भने केही घाइते भएकालाई अस्पताल भर्ना गरिएको बताइएको छ। रासस
