Skip This
नेपाल रेलवे कम्पनीका महाप्रबन्धक गुरुप्रसाद भट्टराईले आफ्नो पदबाट राजीनामा दिएका छन् । आफूमाथि सरकारी पक्षबाटै असान्दर्भिक टीका–टिप्पणी, आरोप लगाउने कार्य भएको भन्दै उनले राजीनामा दिएको जनाएका हुन् ।
पछिल्लो समय भौतिक पूर्वाधार तथा यातायात मन्त्रालयले उनीमाथि निगरानी राखेको थियो । आफूमाथि अनावश्यक आरोप लगाएको र स्पष्टीकरण माग गरेपछि राजीनामा दिएको बताएका छन् । आचरणविपरीतको गतिविधि गरेको भन्दै उनलाई मन्त्रिपरिषद्ले स्पष्टीकरण सोध्ने निर्णय गरेको थियो । भट्टराईले आइतबार पत्रकार सम्मेलन गरी आफ्ना अभिव्यक्तिसमेत राखेका थिए ।
