- वि.सं २o८१ जेठ १ मंगलबार
नेपालका लागि पाकिस्तानी राजदूत सैयद हैदर शाहले प्रधानमन्त्री शेरबहादुर देउवासँग शुक्रबार शिष्टाचार भेट गरेका छन् । प्रधानमन्त्रीलाई राजदूत शाहले पाकिस्तानी प्रधानमन्त्री इमरान खानको बधाई सन्देश सुनाएका छन् । पाकिस्तानी राजदूत शाहले प्रधानमन्त्री भएपछि पहिलोपटक देउवासँग भेटवार्ता गरेका हुन् ।
नेपालस्थित पाकिस्तानी दूतावासका अनुसार भेटमा आपसी हित तथा दुई देशको सम्बन्ध सुदृढ तुल्याउने विषयमा छलफल भएको छ ।
प्रधानमन्त्री देउवाले बधाईका लागि पाकिस्तानी खानलाई धन्यवाद दिँदै क्षेत्रीय सहकार्य, कोभिड– १९ विरुद्धको महामारीमा सहकार्य गर्ने बताएका छन् । कोभिड– १९ विरुद्ध पाकिस्तान सरकारले नेपाललाई गरेको सहयोगप्रति पनि प्रधानमन्त्री देउवाले धन्यवाद दिएका छन् ।
