पछिल्लो २४ घन्टामा देशभर दुई हजार सात सय १४ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयले बिहीबार साँझ सार्वजनिक गरेको विवरणअनुसार पिसिआर परीक्षणमा एक हजार आठ सय ५५ र एन्टिजेन परीक्षणमा आठ सय ५९ जनामा संक्रमण देखिएको छ ।
यो अवधिमा नौ हजार एक सय १२ जनाको पिसिआर परीक्षण र तीन हजार सात सय सातजनाको एन्टिजेन परीक्षण गरिएको थियो ।
मंगलबार एक हजार दुई सय ८८ जना कोरोना संक्रमणमुक्त भएका छन् । हालसम्म देशभर कोरोना संक्रमणमुक्त हुनेको संख्या ६ लाख ३७ हजार ६ सय ९० पुगेको छ । निको हुने दर ९४.५ प्रतिशत रहेको मन्त्रालयले जनाएको छ ।
पछिल्लो २४ घन्टामा २४ जना कोरोना संक्रमितको मृत्यु भएको छ । हालसम्म देशभर मृत्यु हुने संक्रमितको संख्या नौ हजार ६ सय ६१ पुगेको मन्त्रालयले जनाएको छ ।