समाचार डिजिटल संस्करण

कांग्रेसका २८ भ्रातृ तथा शुभेच्छुक संस्थाले भने– लोकतन्त्रमाथि प्रश्न चिह्न खडा भयो, डटेर सामना गर्छौँ

कांग्रेसका भ्रातृ तथा शुभेच्छुक संस्थाहरूले सरकारको प्रतिगामी कदमको विरुद्ध सामाजिक, राजनीतिक, न्यायिक लडाइँमा खरो रूपमा प्रस्तुत भई संविधानको पूर्ण रक्षार्थ प्रतिबद्ध रहेको बताएका छन् । २८ भ्रातृ तथा शुभेच्छुक संस्थाहरूले संयुक्त विज्ञप्ति जारी गरी लोकतान्त्रिक मूल्य–मान्यता र संविधानको प्रबन्धविपरीत प्रधानमन्त्री केपी ओलीले एकपछि अर्को गैरसंवैधानिक गतिविधि गरेका कारण नेपालको राजनीति गम्भीर मोडमा पुगेको र लोकतन्त्रमाथि नै प्रश्नचिह्न खडा भएको बताएका छन् । 

‘प्रधानमन्त्रीबाट भएका गैरसंवैधानिक तथा विधि, पद्धति एवं संसदीय मर्यादाविपरीतका कामकारबाही र व्यवहारको घोर भत्र्सना गर्दछौँ,’ विज्ञप्तिमा भनिएको छ । उनीहरूले संघीय लोकतान्त्रिक गणतन्त्र र संविधानको रक्षार्थ राष्ट्रपति र प्रधानमन्त्रीका असंवैधानिक, अलोकतान्त्रिक कार्यका विरुद्ध डटेर सामना गर्ने प्रतिबद्धता जनाएका छन् ।