पालिका अपडेट प्रिन्ट संस्करण

भारतमा एकैदिनमा एक लाख २७ हजार संक्रमित  

भारतमा अहिलेसम्म कुल संक्रमितको संख्या एक करोड २९ लाख २८ हजार पाँच सय ७४ पुग्याे भने कोरोनाका कारण मृत्यु भएकाहरूको कुल संख्या  एक लाख ६६ हजार आठ सय ६२ पुगेकाे छ ।

भारतमा एकैदिनमा अहिलेसम्मकै सबैभन्दा धेरै संक्रमित  भएका छन् । सरकारी अधिकारीहरूले  दिएको जानकारीअनुसार भारतमा पछिल्लो २४ घन्टामा एकैदिन झन्डै एक लाख २७ हजार जना संक्रमित भएका हुन् ।

केन्द्रीय स्वास्थ्य तथा परिवार कल्याण मन्त्रालयले भारतमा अहिलेसम्मकै सबैभन्दा धेरै एकैदिन एक लाख २६ हजार सात सय ८९ जना नयाँ संक्रमित थपिएको जनाएको छ । पछिल्लो विवरणसँगै भारतमा अहिलेसम्म कुल संक्रमितको संख्या एक करोड २९ लाख २८ हजार पाँच सय ७४ पुगेको छ ।  

पछिल्लो एक दिनमा भारतमा ६ सय ८५ जनाको काेरोना भाइरसका कारण मृत्यु भएको पनि अधिकारीहरूले जानकारी दिएका छन् । योसँगै भारतमा कोरोनाका कारण मृत्यु भएकाहरूको कुल संख्या  एक लाख ६६ हजार आठ सय ६२ पुगेको छ ।     

भारतमा अहिले पनि संक्रमित अवस्थामै रहेकाहरूको संख्या नौ लाख १० हजार तीन सय १९ रहेको छ । यसअघि एकैदिनमा सबैभन्दा धेरै बुधबार एक लाख १५ हजार सात सय ३६ जना संक्रमित भएका थिए ।     

पछिल्लो केही दिनदेखि भारतमा दैनिक एक लाखभन्दा बढी संक्रमित भएका छन् । यो तथ्यांकले भारतमा नयाँ संक्रमितहरूको संख्या दैनिक रूपमा बढ्दै गएको देखाएको छ ।