यातायात समितिको विषयमा विवादपछि झडप हुँदा एकको मृत्यु

Read Time : < 1 मिनेट

हेमन्त केसी, जाजरकोट

नयाँ पत्रिका

२o८१ बैशाख ३१ सोमबार १५:४४:oo

यातायात समितिमा आबद्ध युवाहरूबीच भएको विवादका कारण झडप हुँदा एक युवाको मृत्यु भएको छ । नलगाड नगरपालिका– ४ का ३५ वर्षीय नरेश रावलको बारेकोट गाउँपालिका– २ देउलस्थित खोलामा शुक्रबार दिउँसो शव फेला परेको प्रहरीले जनाएको छ ।

नलगाड– ४ का सुजन कार्की र विकास रावल घाइते भएका छन् । जाजरकोट–डोल्पा यातायात समितिका युवाहरूबीच विवादपछि झडप भएको थियो । घटनामा संलग्न १० जनालाई प्रहरीले पक्राउ गरी सदरमुकाम ल्याउँदै गरेको डिएसपी मधु थापाले जानकारी दिए । घटनाबारे अनुसन्धान भइरहेको प्रहरीको भनाइ छ ।

#मृत्यु