- वि.सं २o८१ बैशाख ३१ सोमबार
राष्ट्रपति विद्यादेवी भण्डारीले कोरोनाविरुद्धको खोप लगाएकी छिन् । सोमबार महाराजगञ्जस्थित त्रिभुवन विश्वविद्यालय शिक्षण अस्पताल पुगी उनले खोप लगाएकी हुन् ।
खोप लगाएपछि सञ्चारकर्मीलाई संक्षिप्त प्रतिक्रिया दिँदै राष्ट्रपति भण्डारीले सबैलाई निर्धक्क भएर खोप लगाउन अपिल गरिन् । नयाँ भएको हुनाले केही शंका हुनु स्वाभाविक भए पनि धेरै चरणको परीक्षणपछि मात्रै खोप आएकाले ढुक्क भएर खोप अभियानमा सहभागी हुन उनले सबैलाई आग्रह गरेकी छिन् ।
अग्रपंक्तिमा रहेको, जोखिममा काम गर्ने र वृद्धवृद्धालाई लगाएपछि मात्रै खाेप लगाउने आफ्नो सोच हुँदाहुँदै पनि देशबाहिर जानुपर्ने भएकाले खोप लगाउन आएको उनले जानकारी दिइन् । राष्ट्रपति भण्डारी आगामी ९ गते बंगलादेश जाँदै छिन् ।
